現代煮意 (已結業)

每逢落雨都會選擇混路嚟機鐵站買外賣，唔駛落雨出去同人迫又要有排等位！呢度有12款午餐選擇，只做外賣，所以處理速度都好快吓，即使多人外賣亦唔需要等好耐時間。我例牌食佢嘅5號韓式bbq什菜拌飯配太陽蛋（$50），有雞豬牛可選擇，我必選牛肋肉，醬汁可以去自助區任意加。呢個飯量都頗多，食晒d飯嘅話會飽足成個下晝，好易飯氣攻心！飯粒軟硬適中，飯裡有泡菜碎，大荳芽，冬菇，波菜，拌埋牛肉同蛋食幾爽口，減少咗食肉嘅油膩感覺。