V.W Vegan Cafe (已結業)

呢兩個禮拜都成日落雨濕濕咁，天氣又焗，今日都唔例外又焗又落雨，不過難得今日放假又好想出街食下野，今日就入左大埔食野啦知道v.wvegan都開左好一段時間啦，不過唔係咁容易夾到時間黎，難得有一間可以食純素嘅Cafe仲要開係無乜素食舖頭嘅大埔，終於都係要黎試下今日自己一個黎驚食唔曬無叫好多野食，淨係叫左一個主食同埋一杯飲品枱面餐牌無寫主食，得飲品甜品同小食，主食要睇返門口個黑板仔先知，有少少唔方便，舖頭入面好似唔見有掛起主食餐牌蛋糕要問侍應先知個日有咩蛋糕不過落單嘅女仔態度麻麻地，問今日有咩蛋糕，淨係＂無蛋糕＂三隻字撻埋黎，聽到有少少唔舒服，又唔講係賣曬定係點上菜速度快過其他Cafe台灣🍍燒汁新豬肉漢堡配薯條 $108漢堡以🥯做漢堡皮，口感Q彈，台灣🍍香甜多汁，配埋Juicy嘅新豬肉扒真係幾正👍不過份量較細，食完個肚無乜感覺，初頭仲驚食唔曬先無再嗌其他野食焙茶拿鐵（熱） $45烘茶味濃，清香不澀口，飲落似無額外加糖，清清地的店面裝修都幾靚，係文青休閒風，不過櫈就坐得唔算太舒服，因為張櫈太高枱太矮，見到隔離枱嘅食客都坐都寒曬背咁先食到野食物質素係ok嘅，不過其他方面有改善嘅空間。