港原味 (已搬遷) 新店位置

約咗好友食晚飯，她很喜歡這間在她家附近的餐廳。店內裝飾頗有心思，牆上盡是老香港街景招牌裝飾，把整個空間的氛圍，馬上變得不一樣，置身其中可以懷想一下70年代，打卡一流📸🤓。晚餐都幾經濟實惠，價錢已包括小菜、白飯、餐湯或飲品。🐟招牌水煮魚$88一上枱陣陣麻香撲鼻，鮮嫩嘅魚肉，豐富的配菜，麻辣的口感，好惹味😋。🥬海皇腐竹浸時蔬$65氣騰騰嘅「海皇腐竹浸大白菜」，份量好足。大白菜吸收了海鮮及腐竹嘅湯頭，十分清甜好味。攝氏30多度的盛夏，我哋兩個都轉飲雪山紅豆冰🍧（+$10）。紅豆都幾大粒，香甜軟腍，加入鮮忌廉，口感香滑，簡直透心涼。