韓屋

營業中

休息中

每次將決定權交比丫妹揀餐廳, 往往都係會揀食韓國菜。今次就被帶到呢間幾有人氣嘅韓式小店, 好多時經過, 門外都排長龍。原來呢間係正宗韓國主廚主理, 標榜無味精無防腐劑, 暫時飛不出香港, 亦可品嚐到韓國正宗味道~主打韓國家常菜, 提供養生湯、石頭飯, 同埋多款餃子。【泡菜餃子王】HK$16巨型size皮薄足料, 餡料mix咗豬肉碎、泡菜碎, 肉香又夠辣~ 【帝皇蟹膏蟹肉煎餃子】HK$78餃皮偏林, 除了蟹肉餡料, 還有粉絲、蔬菜碎, 鮮味有層次。【特大餃子煎餅】HK$78餃子被壓至扁平, 有如煎餅一樣, 外皮微脆但有點油而變得少少煙韌, 內有豬肉碎、粉絲、蔬菜碎餡料, 很有層次。 【雪濃湯】HK$138以牛骨、精肉熬煮而成, 奶白色雪濃湯味道濃醇, 有幾小片牛肉、索咗湯而變林嘅洋蔥絲, 飲哂成個湯後都唔覺口渴, 果然係好飲而冇加味精。另有幾粒酸蘿蔔送口。順帶一提, 餐廳面積較細, 建議預先book檯, 減省輪候更長時間。