Godiva Chocolatier (已搬遷) 新店位置

星期五晚同三個女，我妹同我老公一齊去朗豪坊食飯行街，行到咁上下小朋友話想食雪糕咁啱又醒起呢度有Godiva 所以就帶埋佢地去試下啦。我地共叫左5杯twist 嘅。每一個雪糕上面都有一塊朱古力，我開頭以為twist 嘅白色部分係牛奶或雲呢拿味，點知食食下發現原來係白朱古力味黎，雖然係2隻朱古力溝埋一齊但唔會太甜，雪糕質地十分滑，朱古力好香好醇，真係好好味，果然係朱古力嘅專家。個威化筒好脆仲有好香嘅牛油味，雪糕上面嘅朱古力醬都好香好濃朱古力味。雖然50蚊一個，但覺得值回票價！