風信子甜品 (已結業)

今日行開慈雲山，經過風信子。因為見到menu有咸有甜，於是決定同朋友一試。今次點左個芝士焗薯條，芝士味幾濃，可惜薯條唔夠脆，但總體來說非常不錯。而火龍果益力多冰味道非常清新。另外我地亦叫左個心太軟配蕃薯雪糕。心太軟有啲過熟，唔夠流心，但味道甜度剛好，唔會太膩亦唔會太苦。雪糕非常特別，質感唔似一般雪糕，有少少煙硬，味道真係好似真蕃薯，初初以為係店家自家製，點知原來係日本雪糕。店家仲比左細細一球柚子雪糕我地試，味道非常吸引，好似真嘅柚子，又無左陣苦澀，有種飲緊涼浸浸嘅柚子蜜嘅感覺。即使慈雲山對於我嚟講一啲都唔就腳，但我絕對會為左個雪糕再嚟一次。