GUM "JENG!" X 御前上茶 (已結業)

呢間御前上茶都叫做瘋靡一時，夜晚甜品時間都有好多人排隊，今次難得行過又見到有下午茶，就入去坐一坐。發覺佢下午茶除咗有甜品，仲有鹹嘅嘢食，而且價錢都幾平！😮😮霜淇淋抹茶甜品鬆餅($46)，呢個甜品用嚟呃like就一流，店員會拎到上枱先至淋個綠茶醬，喳喳聲都幾澎湃架🤣但係其實個鐵板好熱，個鬆餅好快就淋過毛巾，搞到個雪糕溶得勁快🤔講真就唔係好識欣賞。霜淇淋甜麥白玉($32)，呢個要左焙茶味，個賣相就好似好單調，個雪糕都係冰感好重，焙茶味又唔夠好似烏龍茶嘅味，好普通😌😌😌雖然有啲失望，不過呢個價錢可以坐下食下都幾好。