Antoshimo Cafe & Bakery (Mikiki) (已結業)

今次放工去左一向好想食既Antoshimo Cafe食晚飯 我地叫左一個炸雞便當同一個豚肉芝士燴飯先講炸雞便當 佢有配菜加豚肉 令你食炸雞時無咁油膩 味增湯唔會太濃 好好飲 白飯上都有鏗魚碎 唔會太單調 中間仲有一球好靚既紫薯蓉至於豚肉芝士便當 配菜就有芝麻醬凍豆腐同梅粉紫薯 特別得黎仲好好味 但最驚喜既係個燴飯啊 濃郁既芝士配上軟淋淋既雜菌燴飯 冬天食一流最後 我要特別推薦既係 佢地既雪糕波提獅冬甩 凍冰冰嘅雲呢拿雪糕撈埋紫薯 食一啖雪糕再配一啖熱辣辣嘅冬甩 雙重享受 非常推介