放牛牛 (已結業)

1. 店員無心工作，態度惡劣收銀兩位女職員嬉皮笑臉，顧住玩，嘈喧巴閉，唔介紹雪糕不突止，仲要大大聲笑，到我叫杯雪糕喇，就喝叫：「42蚊丫!」 請問貴店係咪冇培訓過d員工？整雪糕嗰個仲過分，唧完杯雪糕，先發現配料（椰子肉）未預備好，由得杯雪糕攤喺度，再慢條斯理整所謂嘅「氮氣」，整完以為有咩咁巴閉，咪又係椰子肉？ 雪糕已經溶咁一大半，先再插d餅、椰子肉上去，賣相已經好核突，我相信佢都知，但係就照俾客人。我去嘅時候得我一位客人，舖頭一d都唔忙，點解唔可以俾心機整杯雪糕出黎呢？呢點真係好令人失望2. 雪糕質量差劣$42一杯雪糕，你收得起呢個價嗎？ 我係食「地牛牛」，頭先講過賣相已經好樣衰，求其插d配料上去就扮人地韓國雪糕已經笑大人個口，除左賣相，仲好難食，雪糕唔幼滑，太甜，個椰子肉噴完「氮氣」變左冇味嘅椰子肉。好少雪糕可以用難食黎形容。建議店主出去試多d其他店嘅雪糕，再檢討自己賣緊嘅有幾咁過分。相信唔止我一個，好多人都唔會再食第2次。雪糕車$9 杯都仲有質素過你。