半熟工房 (已結業)

自己本身一向都幾鍾意半熟工房嘅出品，今日咁岩經過見到佢哋有新嘅產品推出，所以就買一件試吓啦。半熟軟雪糕+支裝綠茶＄38(單點半熟軟雪糕就要＄33)＄38有一支綠茶同埋一個雪糕，價錢都尚算合理，而雪糕嘅份量亦都合適一個人食用。軟雪糕上面有d綠茶朱古力，同埋綠茶撻餅碎，綠茶朱古力嘅綠茶味唔算突出；而軟雪糕嘅口感係比較厚實，但係就唔係幾食得出半熟工房最出名嘅半熟芝士蛋糕味，反而會覺得係食緊一舊牛油食完呢個甜品之後真係會有d消化唔到嘅感覺 好彩最後有支綠茶幫幫手消滯。下次再幫襯嘅話，都係食佢哋嘅半熟芝士蛋糕/撻比較好。