牛気 (希慎廣場)

營業中

休息中

近排天氣又轉凍，最啱就係打邊爐，我今日就去咗食牛気嘅澳洲極尚和牛 + 海鮮放題，每位成人嘅價錢係 $398，限時120分鐘！火鍋湯底有好多唔同選擇，我哋就試咗近排期間限定嘅北海道蛤蜊魚湯🐟呢一個套餐包咗好多款唔同嘅肉類，包括必點既特選日本國產牛肩🇯🇵 同埋 澳洲極上和牛🇦🇺，兩款牛肉都勁多雪花，近乎做到入口即溶，非常高質！除咗呢兩款牛肉之外，佢哋仲有好多唔同嘅選擇，包括澳洲穀飼黑安格斯牛🐮、SRF美國極黑牛、特選牛小排 、美國肩胛肉眼 、穀飼牛肩肉、牛舌👅 、牛骨髓 、日本赤雞雞爽肉🐔、精選雞腿肉🐓、特選豚肉🐖等等，勁多唔同選擇🤩🤩除咗有咁多靚肉之外，海鮮一樣有大把選擇，例如係原隻鮑魚、日本帆立貝🐚、花膠、青口、大海蝦🦐、墨魚滑🦑、脆鯛魚片🐟、爽脆水魷、白鱔片、竹笙蝦滑等等，最誇張嘅係竟然連挪威三文魚刺身 同埋 壽司呢度都有，真係好誇張！自助區嘅選擇都好多，例如係意式蕃茄肉丸🍅、吉列炸蝦🍤、日式蟹棒冷豆腐、迷你蘋果脆脆批🍎、焦糖芝士巴斯克🍰等，仲有驚喜嘅就係意式蕃茄肉丸，同埋焦糖芝士巴斯克蛋糕，大家記得唔好錯過！