雲南風味 (已結業)

本身想去沙嗲王食飯,但要等位,所以男朋友就提議去上次食過覺得好好味的雲南餐廳.入到去覺得比上次熱,之後揀左個門口位就舒服d.我食茄醬米線,男朋友就揀狀元過橋米線,之後要多個水煎羊乳餅.茄醬米線-----好味,蕃茄味都幾夠,米線爽滑.狀元過橋米線------好大碗,湯/米線同材料另上.倒左材料落熱湯後再倒米線.老闆娘話正宗雲南果邊材料同米線係生的,但佢話怕香港人食不慣,所以都預先煮熟左. 男朋友話個湯底好夠味.水煎羊乳餅----個樣好似魚片,我同男朋友都覺得味道好特別,羊奶味重,好香口,不過份量少,但值得一試.豆漿----偏淡,不過豆味幾香.下次一定要試烤羊乳扇!!