雲南人家風味餐廳 (已結業)

原來豆腐花同撈米線一齊食係咁夾㗎！呢間雲南小店似係家庭式經營，牆上貼有唔少報道介紹呢度嘅特色食物。我叫咗德勝豆花米線小辣，加麻辣羊肉。豆腐花充滿豆香，而且好滑溜，夾埋滑脫脫嘅米線一齊食，滑上加滑。羊肉、肉碎末同酸菜充滿辣勁，見到用左唔少辣油，食啲豆腐花可以有助解辣。木瓜冰好似食緊蒟蒻啫喱咁，好味好特別。外賣米線嘅份量同堂食嘅差不多，加咗娃娃菜同豬潤，令到米線整體冇咁辣。另外我叫咗個小食:手拍青瓜，走辣。廚師落咗好多蒜頭粒粒，可以落啲去米線度一齊食，又係另一個風味，青瓜清新爽脆，一解米線嘅熱勁。