囍八方餃子麵館 (已結業)

又在深水埗覓食，係一條條大街小巷街邊檔中，有一間叫囍八方既麵店。基本上你係深水埗行街，或者上網搵資料都未必留意呢間，因為佢係基隆街舖位，俾街邊檔重重擋住。呢一間係食粉麵，有河粉米線，上海粗面，生面，上海幼面，淮山面同米粉，基本上大路既麵種都齊。當日我係下午茶時段，係有個套餐，主要都係廿幾三十蚊左右，算係深水埗平價之選。我叫左雲吞麵，２８元。有３粒雲吞，以為會有４粒。食落麵同雲吞都係正常水準，有蝦味，皮薄。麵既簡水味適中，唔會過硬。２８蚊，算係咁啦。