6座雲吞麵 (已搬遷) 新店位置

雲吞麵由細食到大已經去過100間都有了，平貴都有，但最怕個湯本身落勁多胡椒粉，錯晒！依間雲吞麵我已經去過4次啦！好中意清清地無咩油同味精！岩晒OL同一眾女仔！想有味o既可以落佢d 辣椒油！好辣好夠味！我朋友就鐘意佢個炸醬麵！第一次食佢個雲吞麵已經喜歡，而且有套餐, $35有一碗麵+小食及飲品！好中意佢個雲吞麵有蝦子，見到隔離台個男人話~未食過雲吞麵有咁多蝦子添！雲吞d蝦好爽！仲有5粒添，覺得份量岩岩好！好好食！小食我剩係食過墨丸，串燒同雞翼，雞翼好香口，仲要係單邊骨，套餐小食得2只，因為一只分開左2邊骨，所以食起上黎好方便，而且真係好香口好好食！而且依間店服務招呼好好，我會再黎啊！