細蓉記 (已結業)

今日午餐想食得簡單啲、清清哋，突然想起雲吞麵，淨食一碗面又少左d，唔多夠飽，於是同朋友去左呢間餐廳食。佢地有好多種食物種類選擇，雲吞麵、盅頭飯同點心都有架。未講食物之前，講吓餐廳嘅裝修、佈置。佢地放左好多香港昔日舊照於牆上作裝飾，襯番 '細蓉' 呢樣有歷史價值嘅食品。不過上面時尚嘅英文書架裝飾有d唔啱主題。講番食物， 雲吞麵好香蝦子味，雲吞d皮好薄，蝦新鮮彈牙。蝦餃皮薄滑，蝦好新鮮。燒賣足餡，口感同味道都好好。菜心都煮得啱啱好，好味。