影片
更多
2021-03-16
945 瀏覽
倆口子都很喜愛吃麵，一星期總會有兩、三餐以麵條為主食。今日嚟灣仔做嘢，收工約埋老公去附近食碗麵先返屋企。喺駱克道見到這間「永豪麵家」，店舖主打傳統雲吞麵，門口仲貼左份雜誌嘅介紹同相片，探頭內望，環境乾淨企理，今晚就一於喺呢度開餐。餐牌很簡單，一張過，麵食分為湯類、撈類，另外仲有小食、糖水及飲品等供應。點左招牌雲吞麵 ($38)、京都炸醬撈麵 ($50) 同 薑蔥黑柏葉 ($60)。碗麵上檯，匙羹墊底，雲吞放喺中間，麵在其上，以防麵條浸泡過久而變軟發脹，規格正宗。先試一口湯，味道很清甜，有大地魚同蝦子的鮮香，喝後順喉，沒味精反應。麵條幼身，爽口彈牙，食落有麵味。雲吞細細粒，蝦同豬肉嘅比例啱啱好，入口皮薄滑溜。碟京都炸醬撈麵味道亦唔錯，炸醬酸甜度平均，入口微辣帶香，仔細品嚐更會有甘甜味從後而至，加上肉絲切得幼細，分量又夠多，麵條嘅軟硬度亦剛好，真係令人回味無窮。平日都好鍾意食牛柏葉，貪佢夠爽口彈牙，呢度嘅薑蔥黑柏葉，味道更正。天然無加工，爽脆有咬勁，配上薑蔥同辣椒豉油吃，十分好味，絕對值得 Encore ！呢度嘅飲品，選擇都幾豐富，除左有咖啡、奶茶、冷熱飲品等之外，仲有罐裝汽水同支裝豆漿等
喺駱克道見到這間「永豪麵家」，店舖主打傳統雲吞麵，門口仲貼左份雜誌嘅介紹同相片，探頭內望，環境乾淨企理，今晚就一於喺呢度開餐。
餐牌很簡單，一張過，麵食分為湯類、撈類，另外仲有小食、糖水及飲品等供應。點左招牌雲吞麵 ($38)、京都炸醬撈麵 ($50) 同 薑蔥黑柏葉 ($60)。
碗麵上檯，匙羹墊底，雲吞放喺中間，麵在其上，以防麵條浸泡過久而變軟發脹，規格正宗。先試一口湯，味道很清甜，有大地魚同蝦子的鮮香，喝後順喉，沒味精反應。麵條幼身，爽口彈牙，食落有麵味。雲吞細細粒，蝦同豬肉嘅比例啱啱好，入口皮薄滑溜。
碟京都炸醬撈麵味道亦唔錯，炸醬酸甜度平均，入口微辣帶香，仔細品嚐更會有甘甜味從後而至，加上肉絲切得幼細，分量又夠多，麵條嘅軟硬度亦剛好，真係令人回味無窮。
平日都好鍾意食牛柏葉，貪佢夠爽口彈牙，呢度嘅薑蔥黑柏葉，味道更正。天然無加工，爽脆有咬勁，配上薑蔥同辣椒豉油吃，十分好味，絕對值得 Encore ！
呢度嘅飲品，選擇都幾豐富，除左有咖啡、奶茶、冷熱飲品等之外，仲有罐裝汽水同支裝豆漿等供應。
食完麵想食碗糖水滋潤下，大家都不約而同地點左杏仁露 ($28@)。碗杏仁露以南北杏每日新鮮磨製，入口甜度適中，杏味香濃，內有雪耳同粒粒蓮子，用料十足，口感好豐富，滋味又潤肺。
張貼
