雲石小姐 (已搬遷) 新店位置

朋友生日搵咗好耐去邊度買生日蛋糕，做足research就揀咗呢間雲石小姐，一早預訂左今日嚟拎，約咗五點過嚟拎，不過去到先發現原來唔知係咪大家又誤會，蛋糕未整好叫我等等先再過嚟，咁我就行咗陣等左20分鐘左右，佢就打俾我話準備好叫我過嚟攞啦最衰自己一個過嚟拎啊，如果唔係實叫朋友同我一齊打卡，成面嘅花花牆完全係打卡好位置，要記住呢個位下次同朋友經過尖沙咀過嚟影張相先得上網見到佢會有唔同嘅蛋糕款式！見到海鹽芝士奶蓋流心蛋糕都好吸引，不過朋友鍾意金莎就直接選擇左金沙朱古力流心蛋糕拎住個蛋糕係街度行發現個個人都望住我，睇嚟真係幾靚同埋啱晒影相補返相先，雲石嘅地方比較似棉花糖質地，成個蛋糕唔會太甜，我五點半拎差唔多九點先食，中途有雪喺餐廳雪櫃但係切開仍然係流心