2+2 Café (已結業)

黑芝麻白朱古力慕絲蛋糕絕對係自助晚餐既甜品之冠如果叫雲石蛋糕會更加貼近，佢既顏色好似水墨畫咁，我欣賞左好耐都唔捨得落刀。食落黑芝麻味相當濃郁，無諗過自助晚餐既甜品會係咁高水準有個師傅一路係兩底糯米糍後面，一底綠茶味一底紫薯味，如果想要係唔可以自己拎，師傳會用兩枝鐵匙舀手起刀落般係底糯米糍上劃開一小份，用鐵匙撈起再放落你碟上。一食落口覺得佢完全打破糯米糍既定義，口感遠超煙韌，近似入口即溶既棉花糖呢種棉花糖口感既糯米糍係第二度搵唔到！