日溢中西美食 (已結業)

今天清晨5點多到達灣仔工作，發覺除了麥當勞之外，只有這間選擇，其實我之前一直有光顧午餐外賣，因為佢地一個都肯送。說回今次早餐：這個叉燒米唔講味道，只講賣相，我其實都有點驚喜。因為真係幾靚，懂得加雜豆，令佢增加多點色水，好聰明。叉燒可以，燒得唔太過火，唔太肥，早餐剛好。米粉都係普通貨，只要快點食完，相信口感唔會太差。還有方包、火腿、香腸跟餐，都係普通來貨食物，唔需要大師級，只要來貨好，其實口感都唔會太差。今個早餐，價錢都大路，在灣仔區算是可接受。服務都可以，可能因為清晨人比較少，但要留意，早餐要5點45分才開始，但佢唔介意你坐到夠鐘先落單。