LAB10 (裝修中)

朗豪坊10樓新開張的 Lab 10主打Fusion韓國菜嘅餐廳，店內採用日本最新型嘅自動抽風燒烤爐，油煙基本上唔會走得出個爐，所以可以算係全香港第一間冇油煙味嘅韓燒店。我同老友今日約埋收工一齊去食，我地未到19:00已到餐廳，當時客人仲未多，不過19:30左右就好多人，餐廳裝修以實驗室做主題，四周擺放左好多實驗室物品嘅擺設，配合高樓底，整體環境既時尚又舒適。😙特級薄切和牛肉眼 $128和牛肉眼整塊都佈滿雪白油花，超大塊，店員替我地平舖上會自行抽風嘅燒烤爐時，和牛差唔多舖滿整個烤爐，和牛烤香後沾上蛋汁泡菜，每一啖都充滿濃濃嘅和牛油香，非常惹味。😋秘製護心肉 $98我地去韓燒店基本上一定會點護心肉，因為每間韓燒店都有自己調製護心肉嘅方法，間間都有自己獨特嘅口味，今晚食到呢款護心肉肉質富有彈性，而且醃得好入味，外層烤到微焦特別美味。👍生韓牛伴雪梨牛油果 $108韓牛刺身平身已經好好食，混入蛋漿、牛油果、洋蔥絲同梨汁之後，韓牛刺身嘅鮮味更加突出，當中同牛油果呢個配搭相當新鮮，而且出奇地夾。😍鰻魚鐵鍋炒飯 $128除左炒飯上面嘅鰻魚之外，炒飯本身已經加入左鰻魚粒去炒，炒飯充滿鰻魚汁嘅香味，份量都