影片
更多
2021-02-12
1950 瀏覽
呢家芝士奶蓋既飲品周街都見到，有時又會怕肥又會想飲，今次搵到呢間唔再係咁heavy既芝士奶蓋飲品，而係飲到奶蓋又飲到新鮮水果味道較為健康既飲品。店主係有一次去泰國旅行飲左杯水果乳酪飲品，搵到童年既味道，所以係香港天后開左呢間「TAKE YOUR TIME 輕。時光」。店鋪主打水果乳酪飲品，好似優格果昔同水果優格蓋茶，而且標榜用料天然，用自家熬煮冰糖取代現成糖漿，唔含任何色素增味劑。-🍹草莓優格蓋茶💰36（👅: 8.5/10）平時好鍾意芒果既我原本想叫芒果，但草莓當造，所以問左店員之後，佢推薦我飲優格蓋茶，而草莓比較多人叫，尤其係女性顧客，問到店員自己最鍾意咩佢話草莓優格蓋茶所以就叫左。茶底有得揀綠茶或者烏龍茶，綠茶係茉莉綠茶，會有茉莉既花香，茶味較濃，而烏龍茶係桂花烏龍茶，茶氣較清，今次我揀左烏龍茶。如果想飲到奶蓋加茶應該要微斜個杯，等茶經過奶蓋流入口，而唔係用飲管攪勻，因為奶蓋茶最好飲就係茶底同奶蓋係口中水乳交融既一刻。飲落唔甜岩岩好，唔係出面人造糖漿沖出黎既死甜，茶味好出好清新，啲草莓打成冰沙mix落個茶入面，唔係淨係得茶而係有冰沙既口感。草莓冰沙飲得出係真材實料，飲到有粒粒嘅籽，
呢家芝士奶蓋既飲品周街都見到，有時又會怕肥又會想飲，今次搵到呢間唔再係咁heavy既芝士奶蓋飲品，而係飲到奶蓋又飲到新鮮水果味道較為健康既飲品。
店主係有一次去泰國旅行飲左杯水果乳酪飲品，搵到童年既味道，所以係香港天后開左呢間「TAKE YOUR TIME 輕。時光」。店鋪主打水果乳酪飲品，好似優格果昔同水果優格蓋茶，而且標榜用料天然，用自家熬煮冰糖取代現成糖漿，唔含任何色素增味劑。
-
🍹草莓優格蓋茶💰36（👅: 8.5/10）
草莓優格蓋茶
$36
49 瀏覽
0 讚好
0 留言
平時好鍾意芒果既我原本想叫芒果，但草莓當造，所以問左店員之後，佢推薦我飲優格蓋茶，而草莓比較多人叫，尤其係女性顧客，問到店員自己最鍾意咩佢話草莓優格蓋茶所以就叫左。
茶底有得揀綠茶或者烏龍茶，綠茶係茉莉綠茶，會有茉莉既花香，茶味較濃，而烏龍茶係桂花烏龍茶，茶氣較清，今次我揀左烏龍茶。
如果想飲到奶蓋加茶應該要微斜個杯，等茶經過奶蓋流入口，而唔係用飲管攪勻，因為奶蓋茶最好飲就係茶底同奶蓋係口中水乳交融既一刻。
飲落唔甜岩岩好，唔係出面人造糖漿沖出黎既死甜，茶味好出好清新，啲草莓打成冰沙mix落個茶入面，唔係淨係得茶而係有冰沙既口感。
草莓冰沙飲得出係真材實料，飲到有粒粒嘅籽，有果香，草莓有保留到原汁原味原本既顏色，令杯野飲唔只好飲都好睇，岩哂大家打卡。
上面yogurt奶蓋夠厚，入口綿密順滑，平時既奶蓋都好肥，但飲晒都唔太覺得肥，因為店鋪特登用唔會太酸同太甜既低脂乳酪，呢種乳酪同水果既味好夾，健康又好味，係低脂乳酪同草莓優格同茶既完美平衡入落，飲落好清爽完全唔覺得heavy。
-
🌟除左熱門既芒果/草莓/火龍果優格蓋茶/奶昔之外，店鋪會有一D季節限定飲品，好似呢家冬天會有紫薯時光、椰子時光、番薯時光等牛奶類飲品。如果係住港島既好推介黎飲，比起用人造糖漿沖既飲品，呢間鋪既飲品更健康飲落更舒服。
-
👅味道: 8.5/10
🍴環境: 7/10
💰消費: $36 (服務費: NA)
張貼
