NUTTEA (旺角中心第一座) (已結業)

Nuttea 旺角位於旺角中心一樓，而且在各區也有數多分店遍佈港九新界，話說呢一次唔係我第一次光顧呢間店了，作為用堅果奶調製嘅飲品店可以比到客人除咗用鮮奶之外嘅另外一個選擇，選用堅果奶而不用牛奶嘅嘢飲，不單止唔會唔夠味，而且會更加香濃更加健康，可以話係一舉兩得。今次同埋朋友點咗黑芝芝堅果奶，同埋牛油果堅果奶，所有飲品都即叫即整，而且店員會主動問你要嘅甜度同埋要幾多冰，算係十分細心。牛油果堅果奶選用新鮮牛油果即打而成的，除咗香濃軟滑之外，仲會食到一粒粒嘅新鮮牛油果，it’s delicious!! 有機會經過一定會再買！另外都見到佢哋有奶蓋系列，相信呢一個會係下次我會叫嘅嘢飲🤤咁有心嘅小店，真係值得一飲再飲🍻