影片
更多
2024-07-08
946 瀏覽
本身約咗老公喺MOKO食飯睇戲，見到入面唔錯都幾多人食又近戲院於是就去試吓，入到去被安排坐吧枱。隨後職員一句QR code自己落單就劈低咗QR code，冇介紹就走咗連樣都望唔到！因為坐喺吧枱睇倒廚師即時炸野又望到職員出嘢食，不過吧枱位非常狹窄，同隔離人手踭撞手踭根本食得好辛苦，坐得超唔舒服。期間見倒個長髮女職員同一個西裝男職員一邊出食物一邊互相講粗口喺到玩仲要來來回回幾次大大聲。大約等咗15-20分鐘咁上下，個飯上枱食物正常發揮，起碼叫做即場炸。一路食又聽到粗口橫飛，老實講真係有D尷尬同反感！食完叫埋單職員話要出去埋單，先發覺原來有+1服務費。落單自己落！枱面已放左一籃餐具籃，筷子係自己攞！埋單自己出去埋。仲要+1服務費，請問服務咗啲咩？最慘係成餐飯不停聽到粗口！唔會再有下一次。
隨後職員一句QR code自己落單就劈低咗QR code，冇介紹就走咗連樣都望唔到！
因為坐喺吧枱睇倒廚師即時炸野又望到職員出嘢食，不過吧枱位非常狹窄，同隔離人手踭撞手踭根本食得好辛苦，坐得超唔舒服。
期間見倒個長髮女職員同一個西裝男職員一邊出食物一邊互相講粗口喺到玩
仲要來來回回幾次大大聲。
大約等咗15-20分鐘咁上下，個飯上枱食物正常發揮，起碼叫做即場炸。
一路食又聽到粗口橫飛，老實講真係有D尷尬同反感！
食完叫埋單職員話要出去埋單，先發覺原來有+1服務費。
落單自己落！枱面已放左一籃餐具籃，筷子係自己攞！埋單自己出去埋。仲要+1服務費，請問服務咗啲咩？
最慘係成餐飯不停聽到粗口！唔會再有下一次。
張貼