影片
更多
2018-03-19
392 瀏覽
係咁的，今晚兩個人上去試下個卜卜蜆。上到去d冷氣好凍，我自問成190磅，脂肪嘅保温功能應該唔太差，但我都頂唔順，忍左陣都要問待應可唔可熄細少少。其實問至前我都唔抱咩希望，因為相信大家都有經驗，係香港地你要間餐廳熄細或開大少少個冷氣就好似收數咁，總會遇到幾種近乎standard嘅回答，但結果簡單講都係嘥氣。不出所料，待應姐姐用左0.2秒啟動反射式回應: 個鍋未到啫，到左就唔覺凍家啦(請用譚仔音)。因為無期望，所以我都唔想糾纏落去，唯有忍。點完菜隔左一陣，待應過黎同我地講:唔好意思無封門柳，牛爽肉都無，不如你叫個牛拼盤，就樣樣都有。之後又過黎話無脆鯇腩都無。其實我地兩個人食唔係叫左好多樣，但已經三樣無，好難想像係點做生意。之後個牛拼盤到左係有牛爽肉同封門柳......我地只能夠O嘴。到個卜卜蜆鍋黎左，有個經理過黎幫我地煮。其實佢好認真，試左好多次想點火d酒但都唔成功，包括換支火槍，再換多酌酒，但都唔成功。跟住佢話d酒有問題，點唔著，成鍋換過俾我地。呢個時候，我望住個煲半熟嘅花甲，覺得佢地咁就去左垃圾桶投胎真係好可憐，我就同經理講，不如算啦，我地照食都ok，唔好嘥。但經理堅持品質好重要，一定
點完菜隔左一陣，待應過黎同我地講:唔好意思無封門柳，牛爽肉都無，不如你叫個牛拼盤，就樣樣都有。之後又過黎話無脆鯇腩都無。其實我地兩個人食唔係叫左好多樣，但已經三樣無，好難想像係點做生意。之後個牛拼盤到左係有牛爽肉同封門柳......我地只能夠O嘴。到個卜卜蜆鍋黎左，有個經理過黎幫我地煮。其實佢好認真，試左好多次想點火d酒但都唔成功，包括換支火槍，再換多酌酒，但都唔成功。跟住佢話d酒有問題，點唔著，成鍋換過俾我地。呢個時候，我望住個煲半熟嘅花甲，覺得佢地咁就去左垃圾桶投胎真係好可憐，我就同經理講，不如算啦，我地照食都ok，唔好嘥。但經理堅持品質好重要，一定要換過。呢一刻我好欣賞佢對食物嘅執著，甚至覺得佢真係好型，眼角有閃爍嘅光茫，所以我地決定等。至後佢搞左一輪過黎同我講:都係搞唔掂，不如你地轉個花甲蟹鍋，都係加幾十蚊，再唔係你堅持卜卜蜆我換個方法整俾你都得.....加幾十蚊唔係問題，但問題係我女友好討厭食蟹，所以我地維持原判。如是者，個卜卜蜆煲，結果變左炒䙺....再加d湯落去打邊爐，當然佢又有試過點著d酒，但結果當然都係得個搞字。搞左半粒鐘都無野落肚我地已經唔會再介意咩，都係照食算。一路食見到隔黎有3，4枱都係叫卜卜蜆，而且每枱都點得著火，但全部都唔係個經理整，呢個時候我終於都明，出得黎食飯，唔好諗住下下搵經理就咪都掂........點講返個食物整體質素其實還好，無咩問題。以卜卜蜆黎計個人都係覺得澳門贏x粥好食d。試左個莞茜墨魚丸，幾好食，自家手打，有一粒粒嘅黑墨魚肉，另外莞茜味幾重，係幾特別同新鮮嘅配搭。但牛肉就切得太細片，好似食緊牛肉絲咁，非常影響口感。值得一提係白鱔片幾好，無平時嘅細碎骨頭，食得幾爽。食到咁上下，去洗手間，各位要非常小心，餐廳地下極級滑，我一出門口差d訓底。同場加映男待應跣住拎湯底，你都咪話唔驚。
到最尾埋單，兩個人要1500蚊，都唔算平。但待應呢個時候同我地講，唔好意思，新開張，暫時只收現金........新開無卡機我可以理解，但點解你唔一早講? 我搵曬全場一張notice都無....你只收現金無問題，但你至少貼左紙出黎。你貼左我自己睇唔到，我當自己鬥雞無得冤人，但你埋單先講係咪即係伏我。跟住待應用好純熟嘅口問問我用邊間銀行，叫我落地鐵站禁錢.........結果食得咁辛苦我仲要走落去禁錢上返黎埋單......本來約左班朋友10幾人下星期黎食，宜家可以唔駛。可惜嘅係佢地食物其實唔差，係個d服務態度實在太過粗心大意，加上地面真係有d危險。希望我只係咁啱不幸嘅一個食客。
張貼