My Way Homemade Pasta (已結業)

見到上網有人介紹呢間新野好食，就襯星期日晏晝過黎試新野。我地3個人，等左一陣就入得，不過比左張有一個人坐緊既，要塔檯，食西餐食到要塔檯都係第一次，第一感覺馬馬地。叫左個All day breakfast ($98) 比阿囡食，大人一心想黎試佢嘅特色海膽自家製幼蛋麵（$148），我就想食特色海膽意大利飯（$148）。點知，到落單果陣，個姨姨話今日海膽返貨少，餐就無，想食就散叫（$2xx，無野飲），咁樣做生意係咩玩法呢？一係你就話無，點解散叫就有，餐就無，感覺又好差。最後佢同我講可以轉做蟹肉比我地，真係皇恩浩蕩。All day breakfast: 正正常常，無咩特別。個咖哩汁烏冬，啲咖哩少得可憐。特色蟹肉自家製幼蛋麵：個自家製幼蟹麵幾好食特色蟹肉意大利飯：點解大家都係特色，但係一個係龍蝦汁，一個就茄汁，黑人問號了。對比起個幼蛋麵，呢個無咩味，所以都唔可以話好唔好味了。飲筒係不銹鋼做（我估）管理真係有好大進步空間。