德豐打冷粉麵餐廳

營業中

休息中

同朋友去左深水埗買D電腦野，依度真係好多野買，睇埋相機野，跟住就搵野食啦！今次去左德豐粉麵，睇門口都似有打冷，一於會一會佢！環境唔錯，佢食物都相當不錯！首先講下個蠔仔粥一窩，熱辣辣好正，蠔仔都好鮮嫩同每粒都脹卜卜，潮州粥蠔仔粥加方魚最好食！淨魚蛋入面仲有唔少魚片，魚蛋爽口彈牙，魚片都好爽！魚味夠，仲有幾條菜食下！至於佢個鹵水鵝片，鵝胸啖啖肉，正！好入味，口腔裏面漸漸滲出鵝味，唔會太咸，不錯！朋友仲覺得一碟唔夠，再叫多碟鵝件！再黎就係糖醋麵，煎到好香口，麵餅好好食，鐘意糖醋麵嘅朋友一定要黎試！潮州菜其實都係一種好高級嘅享受，性價比都幾高，等我再約其他人食先！