甜蜜蜜甜品專門店 (已結業)

去「Our Wonderland」食飯之前, 逛咗一陣街, 路過厚福街時, 見到呢間「甜蜜蜜甜品專門店」門口貼滿晒「甜姐兒」嘅海報, 所以就提議大家o黎呢度食飯後甜品...9點鬆D去到, 要等4張枱, 都唔算多喎... 等咗一陣間就入得, 居然仲有靠牆位置坐, 正!!!如果坐門口位置會比較迫D囉...4個人Share 3個甜品...迷你大堆頭--居然用IKEA膠飯碗上, 望到都有少少反胃... 食落味道還可以, 龍媽話好食過B仔...炸香芒春卷伴芒果沙巴翁--上枱時, WOW WOW聲... 造型100分!!! 雖然話係春卷, 不過唔脆, 淋淋地... 芒果餡勁甜, 我地估加咗好多糖, 因為芒果味唔出... 個芒果沙巴翁唔蘸會好D, 蘸埋會好膩...焗酥皮豆腐花伴朱古力汁--全餐最敗筆之作!!! 仲要等咗30分鐘先有得食!!! 酥皮一般酥, D豆腐花整到碎濕濕咁, 個朱古力汁又稀NEL NEL同個豆腐花好唔夾, 個酥皮就更加同豆腐花冇計傾...鬆人時, 門口已經迫滿晒人...都唔係咁好食啫, 又貴, 都唔知點解會咁多人...之前睇電視晚晚睇到流晒口水, 仲以為樣樣都好好味, 原來只係咁