影片
更多
2024-02-22
49 瀏覽
一月係high tea month🌝 haha飲杯茶🫖食件cake🍰Lady nara 係食泰式high tea，之前食過一次，打卡位一流，對住尖沙咀海旁個靚景，點影都靚，一入去有個花花千秋打卡位，同埋啲藤椅都好靚，周圍都好多花花裝飾，係閨蜜傾計之選，今次聯乘BeeFlo Botanic，出咗蜜然盎然下午茶🫖 用本地蜂農原蜜整嘅下午茶點心，蜂蜜嚟自馬灣，估唔到香港都會有一啲咁好嘅蜂蜜🍯 個盒好靚呀，唔係三層塔，而係野餐盒仔🧳蜂蜜🐝脆脆奶凍蜂蜜脆脆味道好出，奶凍滑滑的，伴隨濃郁嘅奶香味，唔錯。香蕉脆卷餅🍌類似千層酥嘅外皮加蜂蜜去烤製，咬落去鬆脆，入面有原粒嘅香蕉，幾特別，同香蕉酥唔同，有泰式風味🍌🍋檸蜜撻未開始食，聞落去已經有好香濃嘅檸檬味，係香薰level!! 外面嘅青檸果皮帶嚟酸甜嘅香味，加上牛油撻皮好正，中間嘅cream有蜂蜜🍯嘅甜味，有驚艷嘅感覺！完全係黑馬跑出！荔枝椰子果凍清爽嘅，不過我個人並唔係特別鍾意食椰汁糕😜蟹肉火腿魚子醬三文治🥪 一口咬落去有濃濃嘅魚子醬鮮味，同埋食到蟹肉火腿嘅鮮甜。大蝦🍤牛油果醬🥑米紙花米紙花上面有一片脆海苔再加上牛油果醬，然後再放上一隻大蝦，呢個配搭
一月係high tea month🌝 haha
飲杯茶🫖食件cake🍰
Lady nara 係食泰式high tea，之前食過一次，打卡位一流，對住尖沙咀海旁個靚景，點影都靚，一入去有個花花千秋打卡位，同埋啲藤椅都好靚，周圍都好多花花裝飾，係閨蜜傾計之選，今次聯乘BeeFlo Botanic，出咗蜜然盎然下午茶🫖 用本地蜂農原蜜整嘅下午茶點心，蜂蜜嚟自馬灣，估唔到香港都會有一啲咁好嘅蜂蜜🍯 個盒好靚呀，唔係三層塔，而係野餐盒仔🧳
蜂蜜🐝脆脆奶凍
蜂蜜脆脆味道好出，奶凍滑滑的，伴隨濃郁嘅奶香味，唔錯。
香蕉脆卷餅🍌
類似千層酥嘅外皮加蜂蜜去烤製，咬落去鬆脆，入面有原粒嘅香蕉，幾特別，同香蕉酥唔同，有泰式風味🍌
🍋檸蜜撻
未開始食，聞落去已經有好香濃嘅檸檬味，係香薰level!! 外面嘅青檸果皮帶嚟酸甜嘅香味，加上牛油撻皮好正，中間嘅cream有蜂蜜🍯嘅甜味，有驚艷嘅感覺！完全係黑馬跑出！
荔枝椰子果凍
清爽嘅，不過我個人並唔係特別鍾意食椰汁糕😜
蟹肉火腿魚子醬三文治🥪
一口咬落去有濃濃嘅魚子醬鮮味，同埋食到蟹肉火腿嘅鮮甜。
大蝦🍤牛油果醬🥑米紙花
米紙花上面有一片脆海苔再加上牛油果醬，然後再放上一隻大蝦，呢個配搭好特別，味道好夾🥑
一口車厘茄🍔蝦堡🍤
吉列炸蝦嘅香脆，同埋用香甜大大粒嘅車厘茄做mini burger，帶嚟鮮甜又清爽嘅感覺🍅
蜜糖脆條伴莎莎醬
口感似杏仁脆條，但係佢帶有蜂蜜嘅甜味，配合有少少辣，幾特別。
我最愛嘅蜜糖鬆餅🥞同埋桂圓紅棗鬆餅
粉紅色嘅cream，應該加咗士多啤梨，另外一款係士多啤梨果醬，有蜂蜜🍯嘅香甜味，同埋士多啤梨🍓鮮果肉，牛油🧈味好凸出，再帶有少少蜜糖嘅甜味。呢款Scone唔係英式鬆餅，而係有啲似KFC嘅香蜜鬆餅，佢香脆得嚟又鬆脆啲，英式鬆餅就會好實淨，各有佢嘅好食之處。
御茗寧茶🫖
我見佢嘅英文寫住emperor，我估係皇帝飲嘅茶（？）😆 淡淡香甜啱晒食甜野，或者可以揀Latte，唔會太甜都好夾🥰
張貼
