影片
更多
2023-02-17
595 瀏覽
今日走咗落去大角咀望望D電單車零件，睇吓又有D咩啱用零件，未睇完女友小熊已經嗌肚餓! 之後一路睇... 一路𠵱𠵱哦哦....."隻迫力有咩特別啫!你用緊果個咪好地地....""新尾燈靚咩? 咪又係紅色燈....."下刪一億字...... 攪到矛心情睇，轉移視線去食飯!食咩好呢? 眼前最近係海灣茶居! 為咗回避D噪音，即刻沖入去幫襯. 打開份 Menu 即刻被 "魚翅花膠撈黃金飯" 吸引，小熊點咗沙薑雞例牌，為免唔夠食，再點多三籠點心，有蝦餃，金錢牛肚同牛肉球.睇嚟海灣茶居好重視茶藝，不單只店名叫茶居，Menu 又特別介紹講解吓茶葉，連個茶壺都好別緻.沙薑雞雞肉豐富唔係D無肉瘦雞，沙薑汁令雞肉惹味提升不少.原以為是日係一餐平平無奇普通不過無甚驚喜嘅晚餐，戲肉依家先上影.... 突然間後面侍應一聲 "唔該讓D位俾我!" 我仲心諗 "枱面咁大唔夠位嗎? 我叫D都係碟頭飯之嘛？枱面好多位喎？" 轉頭一睇，嚇一跳! 成個人頭咁大碗魚翅撈飯放上枱!!! "吓!!! 唔係嘛!!! 咁巨型咁大碗!!!" 心中暗罵之餘更多更大感覺就係震撼! 咁大碗魚翅撈飯簡直殺死人! 唔打得都睇得夠哂台型! 氣勢嬴哂
之後一路睇... 一路𠵱𠵱哦哦.....
"隻迫力有咩特別啫!你用緊果個咪好地地...."
"新尾燈靚咩? 咪又係紅色燈....."
下刪一億字......
攪到矛心情睇，轉移視線去食飯!
食咩好呢? 眼前最近係海灣茶居! 為咗回避D噪音，即刻沖入去幫襯.
打開份 Menu 即刻被 "魚翅花膠撈黃金飯" 吸引，小熊點咗沙薑雞例牌，為免唔夠食，再點多三籠點心，有蝦餃，金錢牛肚同牛肉球.
睇嚟海灣茶居好重視茶藝，不單只店名叫茶居，Menu 又特別介紹講解吓茶葉，連個茶壺都好別緻.
沙薑雞雞肉豐富唔係D無肉瘦雞，沙薑汁令雞肉惹味提升不少.
原以為是日係一餐平平無奇普通不過無甚驚喜嘅晚餐，戲肉依家先上影....
突然間後面侍應一聲 "唔該讓D位俾我!" 我仲心諗 "枱面咁大唔夠位嗎? 我叫D都係碟頭飯之嘛？枱面好多位喎？" 轉頭一睇，嚇一跳! 成個人頭咁大碗魚翅撈飯放上枱!!!
"吓!!! 唔係嘛!!! 咁巨型咁大碗!!!" 心中暗罵之餘更多更大感覺就係震撼! 咁大碗魚翅撈飯簡直殺死人! 唔打得都睇得夠哂台型! 氣勢嬴哂! 唔怪之得侍應要求讓D吉位!
黃金飯當然係炒香咗D米飯置中，四邊再淋上魚翅花膠濃湯.
雖然只係 $158 蚊，入面真係有食得出嘅散翅同花膠，當然唔會有一大群翅或者牙籤咁粗嘅魚翅啦，但絕無欺場，魚翅同花膠份量足，湯底唔算好濃郁，味道比較清淡但未至於無味，我同小熊用盡洪荒之力都食剩兩成，哩碗魚翅撈飯相信三個人食都綽綽有餘! 絕對性價比高! 絕對好過當年旺角果間什麼魚翅撈飯.
魚翅花膠太震撼，未嚟嘅點心都唔知點算.....
"話咗你啦，睇定先好落單嘛....."
唉.... 唐僧又出場....
沙薑雞
17 瀏覽
1 讚好
0 留言
魚翅花膠撈黃金飯
19 瀏覽
0 讚好
0 留言
張貼
