汀汀烤活魚 (已結業)

好耐之前食過一次覺得幾好味，點知佢結左業，我仲為此傷心過一排。最近睇朋友既IG見到佢“翻生”！即刻約埋朋友去食。新店依然在旺角鬧市中，不過搬左上樓，地方大左新淨左。餐廳以霓虹燈加上暴力熊裝飾餐廳，設計好新穎modern。由於我前2日腸胃有小小唔舒服，所以今次無點到招牌烤魚，改點酸菜魚 $288。另外仲叫了幾樣配菜打邊爐。酸菜魚份量很多，魚係鱸魚來，魚肉鮮甜滑溜，酸菜亦夠酸爽，而湯底無加醋，只有酸菜既酸味，飲落非常順喉。墊底的芽菜和蘿蔔吸收了酸菜&魚湯既味道，勁入味，好甜，好好食。店家仲炸埋條魚骨比我地，熱辣辣食落脆卜卜，真正的連骨都食得！另外點左鴨血，鮮蝦雲吞，手切牛肉，牛胸爽打邊爐！食材全部都勁新鮮超級好味！！鴨血煮耐之後依然保持口感，唔會一夾就散。雲吞大大粒，入面有魚隻蝦肉，鮮爽彈牙。我覺得佢地既牛肉真係必點，我勁推介，好重牛味，但一d都唔蘇，無筋之餘仲好滑，保持到牛肉既口感，唔會成日油。一路打邊爐一路飲住我杯大大杯既鮮果茶，實在係人生一大樂事。最後要講一講今晚既小食：蒜香皮蛋。我唔係一個中意食皮蛋既人，平時最多都係食譚仔既尖椒皮蛋，因為個醬汁可以蓋過皮蛋獨有既亞摩尼亞味。但汀汀既