Burger Deli (已結業)

食左咁多次終於影到佢相啦！其實每次我都係食加洲漢堡！係西貢可能好多人都會覺好多餐廳都好貴，不過有時貴食都有好野食既。。。雖然SUMMER係露天到坐底食野都真係幾熱呀！不過係其他地方冇咩咁多汁既漢堡包食啦！其實佢所有漢堡都有兩款扒選擇1.安格斯扒（5安士） 2.和牛（7安士）第一次食既時候就係食和牛，不過之後都係食安格斯扒，其實兩款扒都係好好食，可能係佢選取個漢堡包選得好好。個扒即叫即煮，出到我手既時候就D汁會比個漢堡包吸曬D汁，漢堡包唔會乾珍珍，又吸曬扒D肉汁味！可能係因為我鍾意食香野，所以老闆娘見到我都係知我食加洲漢堡。好足料呀！