CAMPSITE (朗豪坊)

營業中

休息中

旺角呢間露營風餐廳，絕對係唔可以錯過！佢嘅主題係以露營為主，環境好靚，非常適合影相打卡。首先，佢嘅營火烤原隻龍蝦同魷魚，佢地即場有烤爐，可以為你燒好佢。你可以親自參與烤龍蝦同魷魚嘅過程，真係好有趣呀！營火烤出嚟嘅龍蝦肉質鮮嫩，帶有淡淡炭烤香味。而烤魷魚則帶有微焦的外皮，內裡嫩滑多汁，口感不錯。除咗海鮮，佢仲有其他好吸引嘅菜式，例如大蝦明太子意大利麵！大蝦肉質爽口，配上濃郁嘅明太子醬汁，意粉夠味。我哋仲叫咗XO醬炭烤蘭花苗，炭烤嘅蘭花苗帶有獨特嘅燒烤香味，再加上香辣嘅XO醬，帶出辛香的風味！個人覺得必要試下佢地嘅營火巧克力棉花糖夾餅，呢個真係好特別！佢地有個爐可以俾你慢慢燒棉花糖，糖燒到金黃色同融化，再夾入夾餅，帶出濃郁的焦糖香氣和絲滑的口感，真係好玩又好味😋飲品叫咗熱摩卡咖啡同草莓檸檬汽水。熱摩卡咖啡濃郁香濃，帶有濃郁的巧克力味道。草莓檸檬汽水清新爽口，草莓的甜酸和檸檬的清新結合，好爽。