火土燒肉

估唔到商場入邊都有露營主題裝修風格⛺️嘅餐廳，估唔到仲要咁高質。今日就帶咗阿仔去位於K11嘅火土燒肉。餐廳面積超大，設有室內及室外空間🥰，無論枱、櫈、牆身、裝飾品、四周嘅植物及地面鋪設，都充滿露營氛圍，座位闊落，空間十足😍。澳洲甜橙和牛三叉肉及大三角肉 $138甜橙和牛係採用有機甜橙🍊餵養嘅澳洲和牛🐃，呢兩款肉既油花較少但分佈均勻，肉質更加柔軟細膩。輕輕燒焦後，口感軟嫩，牛味香甜鮮美😋。牛里脊肉 $108肉質結實，有嚼勁，牛味更重，脂肪邊位燒焦後，油香味更出😍。A5宮崎和牛幻切沙巴當 $298A5和牛🐃油脂豐腴，滿滿的雪花紋理，非常靚😍，油味香濃。煎至焦香將油份迫出，肉質柔軟嫩滑又juicy，一口咬下，牛味及油香味爆出，食完勁滿足🤤。香蔥蒜末牛舌 $108薄切牛舌不失口感🥰，肉質爽口彈牙，包埋香蔥蒜末一齊燒，既保留肉汁又有陣陣蔥蒜香味，特別鮮香美味😋。阿波酢橘雞爽肉 $88酢橘雞的食用飼料，因加入酢橘而命名。酢橘雞🐓的肉質彈牙，表面燒至焦香，肉質依然細嫩多汁，肉味道香甜，口感爽滑😋。銅鑼燒 $58豆沙餡味道香甜，質感幼滑，配埋外脆内軟嘅餅皮，真係絕配🥰。