霸嗎拉麵 (已結業)

今日去左銅鑼灣食飯，男朋友突然間想食拉麵，我地就去左霸嗎啦！我地經過見到門口放左龍蝦拉麵既poster，男朋友超愛龍蝦啊！佢叫左龍蝦拉麵，濃濃蝦湯底，好濃香好杰身，膠質感好重，豬骨味不輕，愈飲愈滋味！龍蝦爽口彈牙，加拿大龍蝦好大隻，充滿龍蝦膏，蟹籽豐富，龍蝦爽口鮮甜，用料好新鮮啊！拉麵掛湯力非常高，溏心蛋流心度非常高！我叫左雞白湯雞叉燒拉麵，雞肉厚切，肉質爽嫩滑溜，雞白湯濃香清甜！羽根餃子香脆香口，餃子餡料豐富，叫左辣味，辣度強勁，好惹味啊！