影片
更多
2016-02-15
1237 瀏覽
早年黎試過一次咖哩牛腩飯，麻麻地。後來先發現依度既招牌菜竟然係漢堡包！作為一個食家當然要不厭其煩再犯險境，今日專程黎探過虛實。張單打住跟沙律汁，唔通仲有其他汁揀？茄汁、咖哩、黑椒、甜醬？下次要問清楚先得。我一向對漢堡麻麻，突然諗起時新食髀，就專登行十幾分鐘黎食漢堡包同雞髀架啦！但我到依家都唔知到底漢堡包是否醬揀呢？一個人食個包加隻髀做 lunch 唔係好過份啫。舖面細又窄所以坐得唔舒服，枱都好細張，只免強放到兩個拓盤乍。行人通道只夠一個人行，肥少少都要側身先過到，莫講話兩個人喇。先排隊比錢買飛再等叫號碼，老式快餐店格局，座位不多，我獨行唯有坐面壁位啦。滷水雞髀，見到有炸同豉油兩款，但見到隻炸雞髀炸到縮晒水，變左 BB 雞髀，賣相啡黑乾爭爭，我都係食滷水雞髀穏陣喇 ﹗有 order 時會去浸返熱先比食客，非常好 ﹗熱騰騰出晒煙，令我雙眼發晒光，勁喜歡 ﹗忍不住擘大口大大啖咬落去，肉汁直流！第一口有點偏咸，繼續食落去味道剛剛好。全熟雞肉滑溜多汁，滲出清香滷水味，豉油不嗆不濁，好好食啊！迅間被我完全消滅，有添食既衝動！滷水雞髀，呎吋適中，唔係特別巨形，係瘦長纖腰形。 熱騰騰出晒煙，香氣緩緩升
我一向對漢堡麻麻，突然諗起時新食髀，就專登行十幾分鐘黎食漢堡包同雞髀架啦！但我到依家都唔知到底漢堡包是否醬揀呢？一個人食個包加隻髀做 lunch 唔係好過份啫。
舖面細又窄所以坐得唔舒服，枱都好細張，只免強放到兩個拓盤乍。行人通道只夠一個人行，肥少少都要側身先過到，莫講話兩個人喇。先排隊比錢買飛再等叫號碼，老式快餐店格局，座位不多，我獨行唯有坐面壁位啦。
滷水雞髀，見到有炸同豉油兩款，但見到隻炸雞髀炸到縮晒水，變左 BB 雞髀，賣相啡黑乾爭爭，我都係食滷水雞髀穏陣喇 ﹗有 order 時會去浸返熱先比食客，非常好 ﹗熱騰騰出晒煙，令我雙眼發晒光，勁喜歡 ﹗忍不住擘大口大大啖咬落去，肉汁直流！
第一口有點偏咸，繼續食落去味道剛剛好。全熟雞肉滑溜多汁，滲出清香滷水味，豉油不嗆不濁，好好食啊！迅間被我完全消滅，有添食既衝動！
滷水雞髀，呎吋適中，唔係特別巨形，係瘦長纖腰形。 熱騰騰出晒煙，香氣緩緩升起，索一索舒筋活絡，口水長流，我忍唔住喇！
熱燙燙雞髀放係面前，不需膽怯，狠狠地大大啖咬落去啦！無可想象的 juicy，比巷仔潮食或萬利來更濕潤，只係 size 較細一點。內內外外都好夠熱，雞肉並無浸到霉、亦無浸到乾鞋噃，時間剛剛好，真係非常難得 ﹗皮香肉嫩，滷水味香甜而豐富，不嗆不咸不澀，色水都好靚呀 ﹗好味道 ﹗
芝士漢堡包沙律汁，第一次食時新漢堡唔知點樣 order，諗左好耐，最後都放棄雙層芝士漢堡，今日唔食咁多喇，試個基本包先。
芝士漢堡包沙律汁，賣相平平無奇，打開研究一下，無任何其他材料，芝士漢堡就淨係芝士同漢堡扒囉，無生菜無蕃茄無洋蔥無青瓜。見師傅不停咁煎漢堡扒，但點解我食緊依塊都唔夠熱既？只係暖暖地乍喎，有點失望。
自家製新鮮 100% 漢堡扒咬落鬆軟多汁，任何新鮮漢堡扒都必定好味過麥當奴既冰鮮合成漢堡扒啦，何解唔食真牛肉呢？漢堡扒混入左洋蔥添上香甜味道，食落多汁鮮甜略帶牛味，真係唔錯，但煎得唔夠香口喎，而且調味有點單調。咁奇怪既？沙律汁稀得利害，好似水咁滴出黎。
淺黃色既芝士非常淡口，咸香味欠棒。因為漢堡扒唔夠熱，所以連塊芝士都熔唔到呀﹗總結依個漢堡包都合格既，只係無食評講得咁誇張囉﹗我會比多次機會您，打算試多一次。
雙層芝士漢堡包配沙律汁，我真係好想知道除左沙律汁仲有咩汁架？漢堡包最緊要用料新鮮，即叫即做，已經可以加唔少分數喇，絕對唔會有麥當勞嗰種 dead beef 味道，好可怕呢 ﹗
雙層芝士漢堡包配沙律汁，每日自家製新鮮牛肉漢堡扒，即叫即煎即做，牛味香濃鮮甜，肉汁勁、質感鬆軟 ﹗您幾時有見過麥當勞既漢堡扒會有肉汁反光，甚至滴出黎呢？Never 啦 ﹗熱辣辣既即煎漢堡扒將芝士完全溶化，再滲入漢堡扒之內，味道互相呼應，如虎添翼，好好味呀 ﹗麵包香而軟棉，全部都係 perfect match ﹗
滷水雞髀
39 瀏覽
0 讚好
0 留言
滷水雞髀
46 瀏覽
0 讚好
0 留言
滷水雞髀
19 瀏覽
0 讚好
0 留言
芝士漢堡包沙律汁
15 瀏覽
0 讚好
0 留言
芝士漢堡包沙律汁
67 瀏覽
1 讚好
0 留言
雙層芝士漢堡包配沙律汁
25 瀏覽
0 讚好
0 留言
雙層芝士漢堡包配沙律汁
36 瀏覽
0 讚好
0 留言
張貼
