茶A (已結業)

今日去咗粉嶺上堂，行經天橋見到個天黑晒☔️又走咗班車，就去咗飯堂食🤩呢間係上次同哥哥仔無意之中發現咗呢間，就去親呢到附近知掟搵食😙食物沙嗲牛肉麵個湯超正🥰好香花生味，濃而不咸！牛肉都大片，補鐵質一流😂咖哩吉列魚柳意粉咖哩汁好正！好香濃，唔係好辣，我仔仔超愛食😍魚柳炸得勁脆🤭辣椒油話說，上一次隊友係到食，見到辣椒油..人哋姐姐已經千吩咐萬吩咐話落幾滴試咗先！因為好多人都話好辣，佢自己都食得辣，都係落5-6滴，加少少渣..我自己就落2滴，初食真係唔feel到辣，淨係香！一滴入魂🙈後勁係係我食完埋埋單先feel到個咀好熱😂佢上次落咗4-5匙羹😨啲汗爆到好鬼水鬼上岸咁，辣到胃痛今次話要試多次，我哋問經理有冇得賣，佢話自家製😂得一罐冇得賣熱咖啡好香！好濃！飲入口有甘香❤️唔苦😂肉醬意粉呢個係哥哥至愛😍tea time 超值！因為佢個size唔係迷你，個肉醬其實要黎點薯條😂豬扒包配薯條呢個係弟弟order☺️因為佢話想要包同薯條，呢個就可以滿足到佢😂個豬扒好冧，好有豬扒味！弟弟都食到，包面外脆內軟然後2兄弟爭點肉醬薯條😮‍💨呢到啲粗薯條正呀！又脆，又唔會好多油入面環境呢到多卡位，我哋鐘意坐得闊啲，舒服啲