青亭素食料理 (已結業)

尋日和大美人下午兩點相約在青亭素食,因我去過兩次,都識去,著住迷你短裙的大美人去到ok便利店就迷路.於是我走出去搵佢.原來佢地個門牌寫住"素食廚房",地址依舊.職員重話同之前個間一樣,只是個名改左.我睇個餐牌都係以前個嗰.跟餐共35蚊,有個飯+飲品/面豉湯.叫左面豉湯,內有豆腐,海帶--->咸左d再+6蚊有碟蠔油菜,自動走生油,菜心好甜,好味道.除加菜外,加3蚊/6蚊都可以有成另外5,6個小食選擇,例如:餃子,涼拌豆腐,燒海苔豆腐棒等等.材料:青紅椒,西蘭花,菠蘿重有素牛柳(豆腐製品),個汁味道適中,如果再多d汁重好味.咁耐都係幫襯過3次.次次都有食石頭飯,因熱辣辣上來,覺得特別好味.親子丼,有蛋的石頭飯大家都可以試,以前食過好味.