影片
更多
2016-08-30
235 瀏覽
日本人專注做事嘅精神，從食店分類可見一斑。好多食肆只會提供一種食品，例如天麩羅店、拉麵店，文字燒店，師傅只會精益求精，一生窮究一種技藝嘅匠人精神，今日比我喺荃灣一條唔起眼嘅巷仔遇到。小店為求保持水準，每日只會喺1630開始做5個鐘頭，地點無可否認係僻咗啲，為咗食好嘢，上山下海都阻唔到我哋啲食家嘅。今日自以為好醒，1615就到，點知未開門已經有人龍！！😳店面唔大，只做外賣，以一個「燻」字嘅簡約招牌表現和風之美，掃描畫嘅MENU,圖文並茂介紹7款玉子燒，仲細分鹹、甜兩個系列。舖前DISPLAY同築地玉子燒各店一樣，一比一玉子燒模型，睇見令人食慾大增。由於所有熱食玉子燒都係即叫即做，所以每位客人只限買兩份熱玉子燒。店方強調所有產品都係用日本產雞蛋做，希望保持日本口味。不足40呎舖頭完全顯示員工嘅效率，4個人全民皆兵，不停手煎蛋入盒做煙燻。 小店取名「燻」，因為每份玉子燒奉客之前，都會輸入煙到盒內，燻兩至三分鐘，產生無可替代嘅獨特風味。亦成為玉子燒嘅靈魂。見到女店員幫每份玉子燒入盒後，先黐上貼紙，再用喉將煙輸入盒內，再封口，先會交比客人。雖然我係6號飛但都等咗30分鐘先有得食。葱
日本人專注做事嘅精神，從食店分類可見一斑。好多食肆只會提供一種食品，例如天麩羅店、拉麵店，文字燒店，師傅只會精益求精，一生窮究一種技藝嘅匠人精神，今日比我喺荃灣一條唔起眼嘅巷仔遇到。
小店為求保持水準，每日只會喺1630開始做5個鐘頭，地點無可否認係僻咗啲，為咗食好嘢，上山下海都阻唔到我哋啲食家嘅。今日自以為好醒，1615就到，點知未開門已經有人龍！！😳店面唔大，只做外賣，以一個「燻」字嘅簡約招牌表現和風之美，掃描畫嘅MENU,圖文並茂介紹7款玉子燒，仲細分鹹、甜兩個系列。舖前DISPLAY同築地玉子燒各店一樣，一比一玉子燒模型，睇見令人食慾大增。
由於所有熱食玉子燒都係即叫即做，所以每位客人只限買兩份熱玉子燒。店方強調所有產品都係用日本產雞蛋做，希望保持日本口味。不足40呎舖頭完全顯示員工嘅效率，4個人全民皆兵，不停手煎蛋入盒做煙燻。
煙燻玉子燒
11 瀏覽
0 讚好
0 留言
雖然我係6號飛但都等咗30分鐘先有得食。葱同櫻花蝦，客人可選擇跟跟唔跟蘿蔔蓉，有得揀，梗係試埋，但用壽司豉油樽盛載，要完全倒出嚟有啲難度，而且唔係好夠水份，但份量都足夠，配埋一齊食可減低油膩感，抵讚！
芝士黑松露(上)、紫薯(下)
$38
9 瀏覽
0 讚好
0 留言
期間限定，芝士煙韌，黑松露味唔太突出，但同玉子出奇地夾。
紫薯$34
紫薯蓉打得細滑，內含小塊紫薯粒，天然甜味配合微甜玉子，當飯後甜品都得呀。
櫻花蝦(上)葱味(下)
$32
8 瀏覽
0 讚好
0 留言
草青味嘅葱，配微甜嘅玉子，食落無油膩感，咬落爽脆嘅葱花，同時增加美感。
櫻花蝦$34
櫻花蝦落得夠重手，遍佈成份玉子燒，每啖都食到鹹鮮香脆嘅蝦。
山不在高，有仙則名，水不在深，有龍則靈，難得喺香港，有一間小店肯專注做好一樣食品，而且水準比起日本老店不遑多讓，更別出機杼，創出自家風格，希望小店成功模式可以啓發其他從事飲食業嘅人，成功唔一定要跟大環境，只要食品有質素，有回頭客先可以屹立不倒，自求我道。
張貼
