泰廳 (已結業)

做完嘢經過元朗，又係時候搵食，食泰國嘢都好喎，經過呢度見到員工好落力佈置緊聖誕飾物，就食呢間啦！入到去坐低，個格局都幾四正，好，睇吓有咩好食先。泰式咖喱牛腩，我哋揀咗青咖喱，辣度啱啱好，有好多牛腩，裏面啲配料都好好食，個南瓜好淋好好味，仲有泰國矮瓜仔。印度油鬆餅，煎到好香好有酥味，用嚟點咖喱，一流！泰式香芒蟹肉炒飯，個飯炒得好香好乾身，裏面食到甜甜嘅芒果同埋絲絲蟹肉，食完飯個人暖粒粒。天氣太凍，叫咗個蜂蜜生薑茶，飲完寒氣盡消。普通啲，熱華田都有。