影片
更多
2017-09-17
292 瀏覽
※本文以用餐當日的環境、服務和食物質素為準，口味亦因人而異，文章只作參考之用。-在旺角The Forest新商場內，開左間新既東南亞餐廳，據說係藝術甜品店ATUM的另一新餐廳。剛好睇到IGer介紹佢地既食物同環境，一大片綠色佈置，即刻同男人講話要去試下！去到餐廳門口已見到一大片綠色植物牆，呢個位置真係影相一流！而且餐廳環境頗闊落，周圍仲佈置左好多綠色植物，充滿熱帶悠閒氣息。樓底高感覺也較為舒適，連枱櫈都滿有質感！餐牌得一頁，有齊沙律、小食、飯/麵、主菜、全日早餐、甜品和飲品等，價錢屬中價位（需加一服務費）。部份菜式走新派路線，最吸引小妹莫過於係小食同甜品類，可惜當晚想試既「牛油果辣青檸檬薯花」因為材料唔靚，所以暫停供應。泰國奶茶奶蓋、印度香料奶茶奶蓋 各$42飲慣醇茶味奶蓋，呢度有比較特別既選擇，同男人各點了一杯，講真價錢都唔平，仲要再加一。兩杯面頭都有層厚厚既奶蓋，飲落質感濃稠，陣陣既芝士味頗為突出，不過兩杯既奶茶味可以再濃一點，整體驚艷度還好。梅子椰糖西瓜沙律 $62平時唔鍾意食沙律，但見到西瓜沙律又忍唔住試。一粒粒西瓜波，可以配上旁邊的梅子粉或椰糖食，配梅子粉食落酸酸甜甜之餘，令
-
在旺角The Forest新商場內，開左間新既東南亞餐廳，據說係藝術甜品店ATUM的另一新餐廳。剛好睇到IGer介紹佢地既食物同環境，一大片綠色佈置，即刻同男人講話要去試下！
去到餐廳門口已見到一大片綠色植物牆，呢個位置真係影相一流！而且餐廳環境頗闊落，周圍仲佈置左好多綠色植物，充滿熱帶悠閒氣息。
樓底高感覺也較為舒適，連枱櫈都滿有質感！
餐牌得一頁，有齊沙律、小食、飯/麵、主菜、全日早餐、甜品和飲品等，價錢屬中價位（需加一服務費）。部份菜式走新派路線，最吸引小妹莫過於係小食同甜品類，可惜當晚想試既「牛油果辣青檸檬薯花」因為材料唔靚，所以暫停供應。
泰國奶茶奶蓋、印度香料奶茶奶蓋
$42
20 瀏覽
0 讚好
0 留言
泰國奶茶奶蓋、印度香料奶茶奶蓋 各$42
飲慣醇茶味奶蓋，呢度有比較特別既選擇，同男人各點了一杯，講真價錢都唔平，仲要再加一。
兩杯面頭都有層厚厚既奶蓋，飲落質感濃稠，陣陣既芝士味頗為突出，不過兩杯既奶茶味可以再濃一點，整體驚艷度還好。
梅子椰糖西瓜沙律
$62
14 瀏覽
0 讚好
0 留言
梅子椰糖西瓜沙律 $62
平時唔鍾意食沙律，但見到西瓜沙律又忍唔住試。一粒粒西瓜波，可以配上旁邊的梅子粉或椰糖食，配梅子粉食落酸酸甜甜之餘，令到西瓜更香甜。
蕉葉炸雞杯配柚子梨醬
$64
27 瀏覽
0 讚好
0 留言
蕉葉炸雞杯配柚子梨醬 $64
賣相好似一個甜筒杯，裝住份量不少既炸雞，炸雞肉質頗嫩滑，可惜外皮唔夠脆，蘸上柚子梨醬，味道酸酸甜甜幾開胃。
冬蔭公 （小）
$82
14 瀏覽
0 讚好
0 留言
冬蔭公 （小）$82
飲落偏酸，唔會好辣，雖然成日飲到想咳想咳，但又接受到，小妹覺得非常醒胃！入面有約四隻去殼大蝦，蝦肉爽口，幾好飲，只係個湯無爐熱住上有點可惜。
鮮蝦羅望子炒金邊粉
$118
31 瀏覽
0 讚好
0 留言
鮮蝦羅望子炒金邊粉 $118
男人超愛食金邊粉就來一份吧，呢份金邊粉驟眼望落隻碟就大，但份量較細。另有配腰果、花生碎同四隻爽口大蝦。拌勻黎食，金邊粉質感還可以，影完相夾起都唔會成撮起，可惜味道太淡，只有微微酸味，好失望啊。
爆谷焦糖花生葩菲
$58
43 瀏覽
0 讚好
0 留言
爆谷焦糖花生葩菲 $58
身為花生控，一見到「花生」呢組字眼已經鎖定必叫！一碟上來賣相又幾得啵，中間係花生葩菲，旁邊放左一堆爆谷仲加左焦糖醬。主角花生葩菲質感好似岩岩係雪櫃拎出黎既雪糕，比較厚實，食落尚算幼滑，而且花生味後勁凌厲，好岩我口味，爆谷都淪為配角了。
泰國奶茶奶凍
$46
35 瀏覽
0 讚好
0 留言
泰國奶茶奶凍 $46
郁一郁個碗會見到奶凍震騰騰彈彈下，食落唔會覺得落左好多魚膠粉而有既效果。奶凍質感軟綿綿好幼滑，奶茶味濃得黎唔過甜。
整體黎講甜品的味道和價錢都較性價比高，鹹食方面還可以，但仍有進步空間。另外店員服務態度不錯，會主動加水、收碟和換碟，我們坐了一陣才說要換位置店員的態度也很客氣。
張貼
