而打淥滷汁拌粉 (青衣城2)

營業中

休息中

公司附近已經食到悶，同事帶我去青衣城搵食。帶左我去青衣城2期，食一間唔太起眼既台灣店。初時以為只有外賣，原來都有兩張檯坐。 方便想即時食既客人。店員超親切，不停推介好吃台灣野食比我們。而打淥豬三樣飯 $68有豬手、豬耳、肉燥。豬手皮補骨膠原、好有彈性、豬毛亦剃得好乾淨。豬耳好爽、食落爽爽聲。肉燥製作既豬肉粒好彈牙好有豬味，個汁勁惹味已吸收晒豬肉嘅精華撈埋飯，無得頂。仲要送一盒台式飲品，選了麥仔茶。胡麻醬手撕雞撈冷麵 $46手撕雞好爽口、好鮮嫩，最啱我哋唔想𡁻骨嘅朋友仔。 冷麵撈麻醬，好日式既感覺。台日fusion 幾有創意。黑糖薑母仙草 $12幾有創意嘅台式糖水，混合台灣最有名既黑糖、薑母、仙草做成既台式糖水。食落甜甜地又帶點薑同仙草味，幾有層次同創意嘅台式糖水。