樸生 (已結業)

喜歡食炸雞、韓食既你點會錯過呢！呢度可以一次過滿足你幾個願望！晚餐價錢$200蚊到一個任食火鍋同熟食，質素有返甘上下，係青衣黎講唔算貴。有兩款韓式煎餅，有辣有唔辣，任均選擇！煎得幾脆，材料好多，有好多蝦同菜。蘿蔔好稔好入味，唔會好咸，仲有有獅子狗同粉絲。湯底因為我地人多，所以職員俾左鴛鴦鍋我地！揀左蝦汁芝士鍋同韓國雪濃鍋。材料豐富，有蝦同青口等海鮮。湯底好香芝士味，但唔算好濃，相對甘就無甘濟啦！大家食時小心痴底，要不時攪動，我地就係無為意，到最後有啲燶味，浪費左個湯。肥牛、雞柳同黑毛豬都係可以任叫！自助區有好多既菜，同素類豆卜、菇、生菜、娃娃菜、公仔麵、粟米、南瓜等，款式幾多，都好新鮮，菜好清甜！另一個雪櫃就有好多部隊鍋既材料，芝士腸、菠菜丸、獅子狗、墨魚丸同木耳等。仲有一個位置係擺石鍋飯佢既石鍋飯係自己整既，先取飯落石鍋度，再係上面放返自己中意食既送，再返去自己個位個電池爐度加熱，一陣就會滋滋聲叫，有熱辣辣既石鍋飯架啦！食幾多夾幾多，無限量送菜，最後加啲韓式辣醬同泡菜落去撈埋就超級正啦！仲有甜品區可以整棉花糖同水果朱古力噴泉！仲有芋圓同蛋糕等甜品，一餐完美結束！佢隔離仲有個素食餐廳，