佐賀山田 (已結業)

本來就係青衣做緊野,既然一場黎度索性係呢頭附近食埋lunch先走🤔同朋友係青衣城搵到呢間主打日式燒肉同火鍋放題嘅餐廳,我就好耐冇食過燒肉,唔使猶疑,一定食燒肉放題😂松燒肉放題屬於中價位,有135品,有安格斯和牛!餐廳分開燒肉同火鍋兩邊,所以唔會見到隔離檯係打緊邊爐😝通風處理得好好所以都唔覺好大油煙!—————————————————————📍 佐賀山田 地址: 青衣青敬路33號青衣城1期2樓203號舖✍🏻/食評/◍ 燒肉松放題 $298 「雪の燒肉盛」— 呢個係叫嘢食前就會送上,燒肉盛共有7款靚牛肉🥰～包括日本佐賀和牛、美國上級牛助肉、美國SRF安格斯和牛牛板腱、美國SRF安格斯和牛一口牛、美國牛小排、簿切美國SRF安格斯和牛牛板腱同骨付牛肋骨,和牛真係唔同D～入口即融🥹除咗牛肉之外仲有豬同雞,要原味又得,想重少少口味嘅可以揀調咗味個d～個人鍾意牛肉多D因為真係好重牛味好有油香٩(˃̶͈̀௰˂̶͈́)و之後就可以追加肉類,個人推薦牛舌!真係超級爽好入口即溶。另外甲羅燒都好smooth蟹膏滿滿😍燒菠蘿都好甜好juicy！食曬主食仲可以去攞明治雪條同甜品杯😝