南小館 (青衣城2) (已結業)

晚餐想食中菜，就選好「南小館」進餐，選擇多價錢平。我地二人點了小籠包、前菜拼盤及炒年糕。海台鹽花生好香口好惹味，感覺配啤酒更適合，另一款是辣菜脯，爽脆香辣，加入湯麵更添風味。【鮮肉帶子小籠包】5件 $48兩色混合的包皮方便餐廳記認，而且也令賣相吸引。小籠包皮薄肉餡多湯汁，肉汁加帶子鮮甜味，比一般小籠包美味得多。南小館四小拼 $78，可自選四款前菜，每款份量少少，足夠兩至三人分享，價錢亦吸引。【花雕白雞】雞肉嫩滑有彈性，花雕酒夠入味，酒味甘香。【糖醋排骨】肉質扎實但骨肉易離，好咬又夠入味，酸甜味調得剛好。【秋葵木耳】用醋醃得酸酸地，頗開胃前菜，秋葵份量太少，木耳都分爽脆。【馬蘭豆乾】馬蘭頭與豆腐乾都切得幼細，乾身帶香。【大白菜肉絲炒年糕】$68肉絲幾入味，反而大白菜冇咩味，炒年糕味道也太淡，只見其色，食不出味。大部份年糕都痴在一舊，難幾吸醬油味，味道同賣相都較差。