別府駅前料理 (青衣城1) (已結業)

青衣有咩好食，我真係唔知，今日食左別府，青衣城3樓，平日來到都有幾枱人等位，好在等左一陣就入得。呢度都係一般日本餐廳裝潢，用左別府名物做logo，有卡位，有一般枱，都唔會覺得逼。menu好多選擇，一般日本料理都有，有個新嘅魚蝦蟹盛宴，有軟殼蟹天婦羅、蟹肉忌廉餅、炸物、壽司、牛舌咁，人均都係百零蚊。海老豚骨拉麵：好快上枱，除左有隻蝦、豚肉，仲有好多櫻花蝦，湯底聞落幾香，亦都唔會話好腥。大蝦肉實、爽口。叉燒唔肥，好腍身麵偏腍。軟殼蝦天婦羅：一份有軟殼蝦兩隻，冬菇，金菇咁，粉漿薄，口感香脆。炸物盛合有齊雞脆骨、年糕薯餅同吉列蠔。炸得脆口，唔會話油淋淋！年糕好煙韌三文魚吉列蝦卷一份四件，好大舊架，而且口感豐富。火山牛丼一份有湯、沙律、刺身同牛舌丼，仲跟埋飲品，呢個抵。沙律、湯刺身還好牛舌飯份量唔少，有5件牛舌，都幾腍同香，飯粒有撈醬嘅，不過都仲粒粒分明明。