一休(居食屋)日本料理 (長發廣場) (已結業)

今日入青衣探同事新生bb，本身以為要落返去青衣城覓食，但原來樓下商場好大間，有日本餐廳， 消費可免費泊車，所以就決定喺度食港女最愛日本餐。叫咗個壽司拼盤，再加兩件醬油7味燒左口魚裙邊， 芥末八爪魚軍艦同蟹籽軍艦。壽司拼盤(戀火)，數過有13件壽司218蚊。 其中最貴嘅應該係磯煮鮑魚， 珍寶赤蝦， 吞拿魚腩。 鮑魚食落去爽口，一d都唔乾。 赤蝦同吞拿魚腩都好味。 芥辣八爪魚，蟹籽軍艦，味道正常，燒左口魚裙邊壽司， 燒得好香，好味道。小食叫左吉列廣島蠔， 主食就叫咗牛肉豆腐鍋配手打烏冬。 吉列蠔size細咗少少，但係52蚊 有五隻，數量取勝，都算抵食。牛肉豆腐鍋配 石崎手打烏冬， 烏冬質感滑溜，配上甜甜的壽喜燒鍋， 味道不錯。整個晚餐連加一450， 可以泊車兩小時， 價錢合理。