一休(居食屋)日本料理 (長發廣場) (已結業)

今天去青衣探表姊，行經商場有間一休（居食屋）日本料理，未到傍晚門口已經排曬隊，好奇之下，便入去試吓，餐廳地方十分寬敞，仲有好多卡位座，坐得十分舒適，看見餐牌上的多款的美食，價錢是十分抵食， 這個價錢可食到優質的美食，真係好有驚喜。芝士焗蠔，好香味的芝士，加上蔥花，令到成隻蠔十分惹味。黑蒜油蝦球拉麵$55/碗，拉麵好有煙韌性，加上黑蒜油及木耳絲等配料，另到湯底夠濃郁更豐富，認真抵食超值。燒鰻魚壽司，啖啖肉而又好有鰻魚味，再加埋燒汁配合軟腍壽司飯，令到整件鰻魚卷，食落口就即刻溶化，我的至愛。厚切燒牛舌$28蚊一串， 牛舌燒到外面香脆，入面就軟淋，十分有質感。鐵板帶子牛油燒$68，份量十足，以這個價錢，真係好抵食，啖啖肉的帶子加埋牛油的香味，十分配合。