甜品莊

營業中

休息中

最近多咗去青衣呢個地方，自己開始發掘呢區嘅美食，慢慢發現原來青衣真係冇乜糖水舖，想夜麻麻揾個地方食糖水都有啲難度，得間松記同其他自家小店。今次就試試位於翠怡商場嘅甜品莊，餐廳面積唔算大，不過都有堂食位，餐牌定價相當親民，最平 $21 蚊就已經可以食到。薑汁鮮奶燉蛋白 ($26) : 薑汁味濃郁之餘口感亦滑嘟嘟，而且薑汁仲有驅風寒作用及對血液循環系統有幫助，食多幾碗都無妨。芒果椰汁紫米露 ($33) : 見到半隻芒果，證明真材實料，不過如果味道甜多少少同紫米再多啲就更 Good 喇。