金泰園 (已結業)

在青衣探完朋友，跟他們一起到長發商場搵食，嘩，領展的商場裝修越來越靚，比我地搵到間新開泰國菜，經服務員姐姐介紹，點個四人餐。呢個四人餐好多野食，最抵的係有肉蟹，姐姐話肉蟹每日新鮮運到，果然肉質結實，咖喱炒完之後，都保留到鮮味。個咖喱汁點蒜茸包一絕，蒜茸包本身都已經好夠牛油味，正仲有個冬陰公湯，酸酸辣辣，好開胃，而且d 蝦都好新鮮。菠蘿炒飯都好正，飯加配料疊到很高，飯炒得乾身。四人餐仲有小食拼盤、炒通菜、海南雞呢幾樣都係泰國最有代表性餸菜，樣樣都算好味。餐飲我地有叫珍多冰、香茅冰，仲有熱飲，香茅茶龍眼茶。再要讚一讚甜品，有三樣mix 埋，可以開心share又試多樣，為一餐豐富午餐劃上完美句號。